काठमाडौँ। शिक्षकको शान्तिपूर्ण आन्दोलनमा सरकारले घुसपैठ गराएको भन्दै नेपाल शिक्षक महासंघले आपत्ति जनाएको छ ।
आइतबार शिक्षक आन्दोलनको सभालाई सम्बोधन गर्दै महासंघ अध्यक्ष लक्ष्मी किशोर सुवेदीले शिक्षकको शान्तिपूर्ण आन्दोलनमा सरकारले ज्यादती गरेको भन्दै शिक्षक ज्यान दिन तयार रहेको बताएका छन् ।
‘हामी शिक्षक हौँ। लट्ठी बोकेर आन्दोलनकारीलाई भड्काउन घुसपैठ पठाएर नाङ्गोपना उदाङ्गो भयो। सरकारले नाङ्गो रूप देखायो । यस्ता सरकार के, हजुरबाबु सरकार आएपनी दमन गर्न सक्दैन,’ उनले भने,
बानेश्वरमा शिक्षक र प्रहरीबिच झडप भएको थियो । प्रहरीले पानीको फोहरा प्रहार गरेको थियो महासंघका अनुसार १५ जना बढी शिक्षक घाइते भएका छन् । यसपछि झन् शिक्षकहरू आक्रोशित भएका छन् ।
साथै भोलि थप शिक्षक कर्मचारी काठमाडौँ आउने महासंघले उल्लेख गरेको छ । भोलि यो भन्दा तीन गुना शिक्षक भेला हुनेछन्। अब हामी पनि आउँछौ भन्दै हरेक शिक्षकले फोन गर्न थालिसक्नुभएको सरकारलाई हेक्का होस् उसको रूप अब सामान्य हुनेछैन ।
