काठमाडौँ । सतुङ्गलस्थित आरआर कम्प्लेक्सको भुइँतलामा रहेको कपडा गोदाममा आज बिहान भीषण आगलागी भएको छ । आगो बिहान साढे पाँच बजेतिर लागेको थियो ।
६ वटा दमकल र १५ वटा पानी ट्यांकरको प्रयोग गरी बिहान ७ बजे आगो नियन्त्रणमा ल्याइएको काठमाडौं प्रहरी परिसरका प्रवक्ता अपिलराज बोहराले जानकारी दिए। क्षतिको पूर्ण विवरण भने आउन बाँकी रहेको उनले बताए।
आगो निभाउन नेपाली सेना, सशस्त्र प्रहरी बल र नेपाल प्रहरीको टोली खटिएको थियो । जिल्ला प्रहरी परिसर काठमाडौंका एसएसपी विश्व अधिकारी, डिएसपी सुन्दर तिवारीसहित प्रहरीको उच्च टोली घटनास्थल पुगेको थियो ।
थानकोट प्रहरी वृत्तबाट डिएसपीको नेतृत्वमा १५ जना, बलम्बु प्रहरी प्रभागबाट इन्स्पेक्टरको नेतृत्वमा १२ जना र मातातीर्थबाट ४ जना प्रहरी परिचालन गरिएको थियो ।
यसअघि बुधबार पनि काठमाडौंको मखन टोलमा भएको आगलागीमा एक महिलाको ज्यान गएको थियो ।
