काठमाडौँ । मंगलवार प्रतितोला १९ सय रुपैयाँले बढेको सुनको मूल्य आज पनि बढेको छ । नेपाल सुनचाँदी व्यवसायी महासंघका अनुसार मंगलबारको तुलनामा छापावाल सुनको मूल्य बुधवार तोलामा २ हजार २०० रुपैयाँ बढेको हो।
नेपाली बजारमा बुधवार सुनको मूल्य तोलामा १ लाख ६६ हजार ९०० रुपैयाँ पुगेको छ। मङ्गलवार सुन तोलामा १ लाख ६४ हजार ७०० रुपैयाँमा कारोबार भएको थियो।
यसैगरी बुधवार चाँदीको मूल्य पनि बढेको छ। मङ्गलवार तोलामा १ हजार ९३० रुपैयाँ कायम भएको चाँदीको मूल्य बुधवार बढेर तोलामा १ हजार ९७५ रुपैयाँ कायम भएको महासंघले उल्लेख गरेको छ ।
