काठमाडौँ । सुनको निरन्तर बढ्दो मूल्यले आजपनि निरन्तरता पाएको छ । नेपाली बजारमा आज सुनको मूल्य तोलामा ५०० रुपैयाँले उकालो लागेको छ ।
नेपाल सुनचाँदी ब्यवसायी महासंघका अनुसार आज बढेको सुनको मूल्य प्रतितोला एक लाख ७१ हजार रुपैयाँमा खरिदबिक्री भइरहेको छ ।
यता, चाँदीको मूल्य भने प्रतितोला एक हजार ९९५ रुपैयाँमा किनबेच भइरहेको महासंघले जनाएको छ ।
महासंघले सुनको मूल्य थप बृद्धि हुन सक्ने सम्भावना व्यक्त गरेको छ । नेपालसँगै अन्तराष्ट्रिय बजारमा समेत सुनको मूल्य बढेको छ ।
