काठमाडौं । नेपाली बजारमा आज सुनको मूल्य बढेको छ । आज सुनकाे मूल्य तोलामा तीन सय रुपैयाँले बृद्धि भएकाे हाे ।
आज छापावाला सुन तोलामा तीन सय रुपैयाँले बृद्धि भई प्रति तोला १ लाख १२ हजार ५ सय रुपैयाँमा कारोबार भइरहेको नेपाल सुन चाँदी व्यवसायी महासंघले जनाएको छ ।
त्यस्तै आज तेजावी सुन प्रति तोला १ लाख ११ हजार ९५० रुपैयाँमा कारोबार भइरहेको छ ।
हिजो छापावाल सुनको मूल्य तोलामा १ लाख १२ हजार २०० रुपैयाँ र तेजाबी सुनको मूल्य तोलामा १ लाख ११ हजार ६५० रुपैयाँ कायम थियो ।
साथै आज चाँदीको मूल्य भने स्थिर रहेको छ । आज चाँदी भने प्रति तोला १ हजार ४८० रुपैयाँमा कारोबार भइरहेको छ ।
