काठमाडौँ । साताको अन्तिम कारोबारका दिन आज सेयर बजारमा सामान्य गिरावट आएको छ । पछिल्लो समय नेप्से सूचक २६ सय विन्दुको आसपासमा अल्झिएको छ ।
बिहीबार पनि नेप्से सूचकमा १.७५ अंकको गिरावट देखिएको छ।
बजार घटेपनि आज विकास बैंकको शेयर मूल्य सर्वाधिक बढेको छ । आज विकास बैंकको शेयर मूल्य १.१६ प्रतिशतले बढेको हो । साथै अन्य ४ समूहको शेयर मूल्यमा पनि सुधार आएको हो । यसदिन ८ उपसूचक राताम्य भएका छन् ।
विगत केही दिनको तुलनामा कारोबार रकममा सामान्य वृद्धि देखिएको हो । विगत केही समयदेखि नेप्सेमा ठूलो उतारचढाव देखिएको छैन्। सूचक २६ सय विन्दुबाट उल्लेख्य मात्रामा तल माथि हुन सकेको छैन ।
आज ग्रीन डेभलपमेन्ट बैंकको शेयर मूल्य सर्वाधिक प्रतिशतले वृद्धि भएको छ । आज बैंकको शेयर मूल्य ९.१८ प्रतिशत अर्थात् १०९ रुपैयाँले बढेको छ । त्यस्तै, सप्तकोशी डेभलपमेन्ट बैंकको ९ प्रतिशत र वरुण हाइड्रोपावरको ८.९३ प्रतिशत शेयर मूल्य वृद्धि भएको छ ।
