काठमाडौं। नेपाल राष्ट्र बैंकले सेयर धितो कर्जाको सीमा बढाएको छ । केन्द्रिय बैंकले बिहीबार एक परिपत्र जारी गर्दै व्यक्तिगत सेयर धितो कर्जाको सीमा १५ करोड पुर्याएको छ । त्यस्तै, संस्थागत लगानीकर्ताले लिने सेयर धितो कर्जाको सिमा २० करोड पुर्याएको छ ।
यस्तै राष्ट्र बैकले कर्जाको नोक्सानी व्यवस्थामा पनि सहजीकरण गरेको छ।
असल वर्गमा वर्गीकरण भएको कर्जामा १.३ प्रतिशत नोक्सानी व्यवस्था गर्नुपर्नेमा त्यसलाई संशोधन गर्दै १.२५ प्रतिशत गर्नुपर्ने व्यवस्था गरेको हो ।
बैंक तथा वित्तिय संस्थाका लागि जारी गरेको एकीकृत निर्देशन २०७९ मा बिहीबार संशोधन गर्दै राष्ट्र बैंकले यी व्यवस्था गरेको हो ।
https://aarthikvoice.com/archives/14992
