काठमाडौं । नेपाल धितोपत्र बोर्डले ९० भन्दा कम नेटवर्थ रहेका कम्पनीलाई आइपीओको पाइपलाइनबाट हटाएको छ । धितोपत्र बोर्डले पाइपलाइनमा रहेका १४ कम्पनीलाई सोमबार सूचीबाट हटाएको हो । जसमध्ये प्रतिशेयर नेटवर्थ ९० भन्दा कम रहेका १३ कम्पनी र विद्युत् खरिद सम्झौता (पीपीए) कायम रहने अवधि न्यून रहेको एक कम्पनी रहेका छन् ।
यसअघि सार्वजनिक लेखा समितिले नै प्रतिशेयर नेटवर्थ ९० भन्दा कम रहेका कम्पनीलाई आइपीओको स्वीकृति नदिन धितोप बोर्डलाई निर्देशन दिएको थियो ।
सोहीअनुसार यी कम्पनीलाई धितोपत्र बोर्डले पाइपलाइनको सूचीबाट हटाएको हो । पाइपलाइनबाट हटाइएका कम्पनीले आइपीओ निष्काशनका लागि फेरि आवेदन दिँदा नेटवर्थ ९० भन्दा बढी पुर्याएको प्रमाण पनि पेश गर्नु पर्नेछ ।
