नवलपरासी पश्चिम्। नेपाली काङ्ग्रेस नवलपरासी निर्वाचन क्षेत्र नम्बर १ का उम्मेदवार बिनोद चौधरीले नयाँ दलहरुप्रति कटाक्ष गर्दै कुनै सतह र पृष्ठभूमि नभएका हरुबाट भ्रामक प्रचार हुने गरेको बताएका छन।
बर्दघाट नगरपालिका वडा नम्बर ४ मा आयोजित कार्यकर्ता भेटघाट कार्यक्रममा बोल्दै चौधरीले पछिल्लो समय सामाजिक सञ्जालहरुका नयाँ भनिएका दलहरुले भ्रामक प्रचार गरेको उल्लेख गरे।
"त्यस्ता कतिपय दलहरुले सामाजिक सन्जालमा कयौं प्रकारका भ्रामक प्रचार गरेका छ्न, जसको कुनै सतह छैन,कुनै पृष्ठभूमि छैन,त्यसको काम खोजेर हिड्यो भने केही पनी भेटिदैन। ठुला ठुला कुरा गरेर बाचा गरेर हिड्न सजिलो छ तर अहिले सम्म के गर्यौ ? भन्यो भने कुनै जवाफ छैन" उनले भने ।
नयाँ नेतृत्व चयनसगै नेपाली काङ्ग्रेसमा गुटगत राजनीतिको अन्त्य भएको बताउँदै उनले अबको ५ बर्षमा स्पष्ट आर्थिक रुपान्तरणको खाका सहित काङ्ग्रेसको नेतृत्वमा सरकार गठन हुने बताए।
बर्षौसम्म देखिएको गुटगत प्रवृत्तीको प्रत्यक्ष असर बिकास निर्माण र आम नागरिकमा परेको भन्दै उनले मुलुकका हरेक निर्णायक आन्दोलनहरुमा काङ्ग्रेसले महत्त्वपूर्ण भूमिका निर्वाह गरेको र समस्याको सुरक्षित अवतरण काङ्ग्रेसले नै गरेको जिकिर गरे ।
"हाम्रो यो क्षेत्र पनि गुटगत राजनीतिले बिकास निर्माणका हिसाबले धेरै पछि पर्यो एक अर्काले गरेका कामलाई अवमूल्यन गर्ने धकेल्न खोज्ने खालको प्रवृतिले हाम्रो क्षेत्र पछाडि पर्यो"चौधरीले भने ।
अहिलेको निर्वाचनमा १ सय ६ स्थानमा काङ्ग्रेसले नयाँ उम्मेदवारहरु अघि सारेकाले यो अत्यन्तै खुसिको कुरा भएको उनले बताए ।
