काठमाडौं । ग्रीन डेभलपमेन्ट बैंकको लाभांश सुरक्षित गर्ने आज चैत १४ गते बिहीबार अन्तिम दिन रहेको छ ।
सभा प्रयोजनका लागि यस बैंकले चैत १५ गते बुक क्लोज हुनेछ। तसर्थ, आज चैत १४ गतेसम्म कायम रहने सेयरधनीले मात्र सभामा भाग लिन र प्रस्तावित लाभांश पाउन सक्नेछन्।
यस बैंकले गत वर्षको नाफाबाट लगानीकर्तालाई ५.७५ प्रतिशत बोनस सेयर र कर तिर्न ०.३०२७ प्रतिशत नगद लाभांश वितरण गर्दैछ।
उक्त लाभांश पारित गर्न यस बैंकले चैत २७ गते साधारण सभा बस्ने भएको छ ।
सभा होटल पिस प्यालेस, हरिशंकर रोड बाग्लुङमा बिहान ११ बजेबाट सुरु हुनेछ। यस्तै, बोनस सेयर वितरणपश्चात कायम चुक्ता पुँजीबाट १ः१.१०७१ अनुपातमा हकप्रद सेयर जारी गर्ने विशेष प्रस्ताव पारित गर्नेछ।
