काठमाडौँ। निर्जीवन बीमा कम्पनीहरूले चालु आर्थिक वर्षको पाँच महिनाको अवधिमा १७ अर्ब १७ करोड करोड रुपैयाँ कुल बीमा शुल्क आर्जन गरेका छन् ।
हाल सञ्चालनमा रहेका १४ निर्जीवन बीमा कम्पनीहरूले मंसिर मसान्तसम्ममा ११ लाख ३७ हजार २७२ वटा बीमा पोलिसी बिक्री गरी उक्त रकम बराबरको बीमाशुल्क आर्जन गर्न सफल भएका हुन् ।
मंसिर मसान्तसम्मको अवधिमा सबैभन्दा बढी सगरमाथा लुम्बिनी इन्स्योरेन्सले कुल बीमा शुल्क आर्जन रहेको छ । कम्पनीले दुई अर्ब १९ करोड रुपैयाँको कुल व्यवसाय गरेको छ।
त्यस्तै, सिद्धार्थ प्रिमियर इन्स्योरेन्सको एक अर्ब ७६ करोड रुपैयाँ बीमा शुल्क आर्जन गर्न सफल भएको छ ।
मंसिर मसान्तसम्मको अवधिमा शिखर इन्स्योरेन्सले एक अर्ब ६४ करोड रुपैयाँ बराबर रुपैयाँ, आइजिआई प्रुड्न्सियल इन्स्योरेन्सले १ अर्ब ४५ करोड, नेको इन्स्योरेन्सले १ अर्ब ४० करोड , हिमालयन एभरेष्ट इन्स्योरेन्सले १ अर्ब ४० करोड रुपैयाँ कुल बीमाशुल्क संकलन गरेका छन् ।
