काठमाडौं । आइतबार सेयर बजार सामान्य अंकले वृद्धि भएको छ । बजार आज ५.८८ अंकले बढेर १८८३.२० विन्दुमा रोकिएको छ ।
नेप्सेमा आइतवार सूचीकृत २७३ कम्पनीको ४८ लाख २६ हजार ३८८ कित्ता शेयर किनबेच हुँदा करिव १ अर्ब ६० करोड रुपैयाँको कारोवार भएको छ ।
नेप्सेमा रहेका १३ उपसूचक मध्ये आज बैंकिङ, होटल तथा पर्यटन, लगानी, लाइफ इन्स्योरेन्स, माइक्रोफाइनान्स, म्युचुअल फण्ड, निर्जीवन बीमा, अन्य र ब्यापार उपसूचकबढेको छ । त्यस्तै, उत्पादन तथा प्रशोधन, हाइड्रोपावर, फाइनान्स र विकास बैंक उपसूचक भने घटेको छ ।
सर्वाधिक निर्जीवन बीमा उपसूचक आज २.८० प्रतिशतले बढेको छ भने उत्पादन तथा प्रशोधन उपसूचक ०.६२ प्रतिशतले घटेकोेछ ।
