काठमाडौं । राष्ट्रिय कृषि गणना २०७८ सार्वजनिक भएको छ । जससँगै नेपालमा राँगा र भैंसीको संख्याको नयाँ विवरण पनि सार्वजनिक भएको हाे ।
केन्द्रीय तथ्यांक कार्यालयले बिहीबार सार्वजनिक गरेको राष्ट्रिय कृषि गणना २०७८ को नतिजाअनुसार नेपालमा राँगा र भैंसीको कुल संख्या २९ लाख २३ हजार रहेकाे छ ।
यसअघि २०६८ को गणनामा यस्तो संख्या ३१ लाख ७४ हजार थियो ।
केन्द्रीय तथ्यांक कार्यालयकाअनुसार १० वर्षमा राँगा र भैंसीको संख्या २ लाख ५१ हजारले घटेको हो ।
विवरणअनुसार राँगा र भैंसी पाल्ने कृषक परिवार संख्यामा पनि ठूलो गिरावट आएको छ । २०६८ सालमा राँगा र भैंसी पाल्ने किसान परिवारको संख्या १६ लाख ६९ हजा रहेकामा नयाँ गणनामा यस्तो परिवार संख्या १४ लाख १७ हजारमा सिमित भएको छ ।
