काठमाडौं । नाडा अटोमोवाईल्स एशोसिएशन अफ नेपालले जाजरकोट र रुकुममा गएको भूकम्प पीडितहरुका राहत उपलब्ध गराएको छ । कम्पनीले पहिलो चरणमा हालै जाजरकोट र रुकुममा गएको भूकम्प पीडितहरुका लागि राहत सामग्री उपलब्ध गराएको हो ।
नाडाले जाजरकोट र रुकुमका भूकम्प पीडितहरुका लागि नाडा कर्णाली प्रदेशको टिम मार्फत २०० थान डाउन ज्याकेट, ४० थान सारी तथा ५० थान ब्लान्केट आदि सामग्री वितरणका लागि उपलब्ध गराएको छ ।
कर्णाली प्रदेशको जाजरकोटको रामीडाँडा केन्द्रबिन्दु भई गत शुक्रबार (कात्तिक १७ गते) राति गएको भूकम्पले ठुलो मात्रामा जाजरकोट र रुकुम पश्चिम लगायतका जिल्लाहरूमा जनधनको क्षति भएको थियो ।
