काठमाडौँ । निसान र होण्डा कम्पनी एकापसमा गाभिने भएका छन्। चिनियाँ कम्पनीका गाडीसँग प्रतिस्पर्धा गर्नका लागि यी दुई जापानीज कम्पनी एक आपसमा गाभिने भएका हुन् ।
उक्त मर्जर प्रक्रियाका लागि दुवै कम्पनीका प्रतिनिधिले सोमबार हस्ताक्षर गरेका छन् । यदि मर्ज भएर एकीकृत कारोबार सुरु भएमा यो विश्वको अटो इण्डष्ट्रीमा तेस्रो ठूलो कम्पनी बन्ने पक्कापक्की भएको छ ।
हाल सवारी उद्योग ठूलो बदलावका साथ अगाडि बढिरहेको छ । एकातर्फ जीवाश्म इन्धनको विकल्प रोज्नुपरेको छ भने अर्कोतर्फ चिनियाँ कम्पनीका उत्पादनसँग तीव्र प्रतिस्पर्धा गर्नु परेको छ ।
निसान परिवारको एक सदस्य मित्सुबिसी मोटर्सले पनि आफ्नो व्यवसायलाई एकीकृत गर्नका लागि छलफलमा सहभागी हुन सहमति जनाएको छ । निसानका सीईओ माकोतो उचिदाले भनेका छन्( यदि हामी एकीकरणमा सफल भयौँ भने हामी ग्राहकको साथमा अझै उत्कृष्ट बन्न सफल हुनेछौँ ।
