काठमाडौं । राइड सेयरिङ एप इन्ड्राइभ नेपालमा औपचारिक रुपमा सञ्चालनमा आएको छ । आज काठमाडौंमा एक कार्यक्रमको आयोजना गर्दै कम्पनीले नेपालमा कानुनअनुसार दर्ता भएर सेवा सुरु गरेको घोषणा गरेको छ ।
यसअघि, राइडरहरुबाट कमिसन नलिएर सञ्चालनमा रहेको इन्ड्राइभले अब भने कमिसन लिने भएको छ । कम्पनीले अन्य राइड हेलिङ कम्पनीको तुलनामा कम १० प्रतिशत मात्रै कमिसन लिने बताएको छ ।
यो शुल्क करसहित भएको र राइडरबाट १० प्रतिशतबाहेक थप रकम नलिने कम्पनीको भनाइ छ ।
कम्पनीले आजै भुक्तानी सेवा प्रदायक आईएमई पेसँग सहकार्य गर्ने घोषणा गरेको छ ।
इन्ड्राइभले हाल यो सेवा काठमाडौं, पोखरा, भरतपुर उपलब्ध हुने र आगामी दिनमा अन्य सहरमा पनि सेवा बिस्तार गर्दै जाने कम्पनीको भनाइ छ ।
