२४×७ सडक सहायता: ग्राहकलाई सहज र सुरक्षित यात्राको अनुभूति दिलाउन चौबीसै घण्टा आकस्मिक सहायता उपलब्ध।
विभिन्न ब्रान्डका लागि लागू: AVATR, DEEPAL र NEVO का AVATR 07 र 11, DEEPAL S07, S05, E07 र L07 तथा NEVO Q05 मोडलहरूमा लागू।
देशव्यापी सेवा सञ्जाल: नेपालका ११ प्रमुख सेवा केन्द्रमार्फत टोइङ सेवा, घटनास्थलमै मर्मत सहयोग, आकस्मिक सहायता तथा समर्पित ग्राहक सेवा उपलब्ध।
काठमाडौं । नेपालमा CHANGAN ब्रान्डको आधिकारिक प्रतिनिधि MAW Vriddhi Auto Corp Pvt. Ltd. ले देशभरका ग्राहकलाई भरपर्दो बिक्रीपछिको सेवा र सहयोग प्रदान गर्ने प्रतिबद्धताअनुरूप CHANGAN Care 24×7 सडक सहायता सेवा सुरु गरेको छ।
नेपालको प्रमुख चाडपर्व दशैं, तिहार तथा छठ नजिकिँदै गर्दा परिवार तथा आफन्तसँग भेटघाट गर्न र चाडपर्व मनाउन धेरै मानिसहरू यात्रामा निस्कने गर्छन्। यसैलाई मध्यनजर गर्दै CHANGAN Care 24×7 ले ग्राहकको यात्रालाई थप सहज, सुरक्षित र ढुक्क बनाउने लक्ष्य राखेको छ। चाडपर्व मनाउन घर फर्किने वा देशका विभिन्न गन्तव्यहरूमा घुम्न जाने क्रममा सवारीसाधनमा कुनै अप्रत्याशित समस्या आएमा ग्राहकले आवश्यक सडक सहायता प्राप्त गर्न सक्नेछन्।
यो सेवा AVATR, DEEPAL र NEVO ब्रान्डका ग्राहकहरूका लागि लागू हुनेछ। यसअन्तर्गत AVATR 07 र 11, DEEPAL S07, S05, E07 र L07 तथा NEVO Q05 मोडलहरू समावेश छन्। सवारीसाधनमा अप्रत्याशित समस्या आइपर्दा भरपर्दो सहायता उपलब्ध गराउँदै ग्राहकको सवारी स्वामित्व अनुभवलाई अझ सहज र विश्वसनीय बनाउनु यस पहलको प्रमुख उद्देश्य हो।
“Because Your Journey Matters Everywhere in Nepal” अर्थात् “नेपालको जुनसुकै स्थानमा पनि तपाईंको यात्रा हाम्रो लागि महत्त्वपूर्ण छ” भन्ने प्रतिबद्धताका साथ सञ्चालन हुने CHANGAN Care 24×7 अन्तर्गत टोइङ सेवा, घटनास्थलमै मर्मत सहयोग, २४ घण्टे आकस्मिक सहायता, क्षेत्रीय सेवा पहुँच तथा समर्पित ग्राहक सहायता टोली उपलब्ध रहनेछ।
यस सेवाको सञ्जाल हाल नेपालका डाङ, धनगढी, बिर्तामोड, विराटनगर, नेपालगञ्ज, बुटवल, जनकपुर, वीरगञ्ज, चितवन, पोखरा तथा बालकुमारी, ललितपुर गरी ११ प्रमुख स्थानमा विस्तार गरिएको छ। यसले देशका प्रमुख सहर तथा विभिन्न क्षेत्रहरूमा ग्राहकलाई सडक सहायता प्राप्त गर्न थप सहज बनाउने अपेक्षा गरिएको छ।
सडक सहायता आवश्यक परेमा ग्राहकहरूले ९७०४०२४३६५ मा सम्पर्क गरी सहयोग लिन सक्नेछन्।
CHANGAN Care 24×7 मार्फत MAW Vriddhi ले AVATR, DEEPAL र NEVO का ग्राहकलाई अझ सहज, भरपर्दो र आश्वस्तकारी सवारी स्वामित्व अनुभव प्रदान गर्ने लक्ष्य राखेको छ। विशेषगरी चाडपर्वको समयमा सुरक्षित र भरपर्दो यात्रा महत्त्वपूर्ण हुने भएकाले यो पहलले ग्राहकलाई हरेक यात्रामा सहयोग, सुविधा र विश्वास प्रदान गर्ने कम्पनीको प्रतिबद्धतालाई थप मजबुत बनाएको छ।
CHANGAN Nepal बारे
CHANGAN Automobile चीनका ठूला तथा लामो औद्योगिक इतिहास भएका अटोमोबाइल उत्पादकहरूमध्ये एक हो र चीनका चार प्रमुख अटोमोबाइल समूहमा पर्दछ। China South Industries Group Corporation अन्तर्गत रहेको राज्य-स्वामित्वको अटोमोबाइल कम्पनी CHANGAN सँग १६० वर्षभन्दा लामो औद्योगिक विरासत तथा अटोमोबाइल क्षेत्रमा दशकौँको अनुभव छ। १०० भन्दा बढी देशमा उपस्थिति र १८,००० भन्दा बढी इन्जिनियरहरूको विश्वव्यापी टोलीसहित CHANGAN ले स्मार्ट प्रविधि, नयाँ ऊर्जा तथा आगामी पुस्ताको मोबिलिटी समाधानमा अग्रणी पहिचान स्थापित गरेको छ।
MAW Vriddhi Autocorp Pvt. Ltd. बारे
MAW Vriddhi Autocorp Pvt. Ltd. नेपालमा CHANGAN Automobile तथा यसका उप-ब्रान्डहरू DEEPAL, NEVO र AVATR को आधिकारिक वितरक हो। कम्पनीले नेपाली बजारमा अत्याधुनिक प्रविधि, नवीन डिजाइन तथा आगामी पुस्ताका मोबिलिटी समाधानहरू उपलब्ध गराउँदै आएको छ।
