काठमाडौं । नयाँ वर्षलाई मध्यनजर गर्दै हुन्डाई अटोमोवईल्सको आधिकारीक बिक्रेता लक्ष्मी इन्टरकन्टिनेन्टलले ‘हुन्डाई न्यु इयर डिलाइट-२०२४’ योजना ल्याएको छ । यो योजना पुस १६ गतेदेखि नेपाल भरका सबै शोरुममा सुरु भएको कम्पनीले जनाएको छ ।
यस योजना अन्तर्गत, ग्राहकले ५ लाखसम्मको आकर्षक नगद छुट, विद्युतीय गाडीको खरिद गर्दा प्रोत्साहन स्वरुप ५० हजारसम्मको गो-ग्रीन बोनसका साथै गाडीको मोडल इएरको आधारमा ५ लाख रुपैयाँ सम्मको छुट प्राप्त गर्न सक्ने कम्पनीले जनाएको छ ।
यो योजनामा ग्राहकले गाडी खरिद गर्दा १ वर्षसम्मको निःशुल्क बीमा तथा सवारी करका साथै तुरुन्तै मूल्यांकन तथा एक्सचेन्ज सुविधा पाउने भएका छन्।
यस स्किमबाट हुन्डाईको कुनैपनि ह्याचव्याक, कम्प्याक्ट एसयुभी, एसयुभी तथा ईभी गाडी खरिद गरि फाइदा लिन सकिने छ। लक्ष्मी इन्टरकन्टिनेन्टल प्रालिले नेपाल भर १७ शोरुमहरु तथा १९ सर्भिस सेन्टरहरु र ४३ं चारजिङ पोइन्टहरु मार्फत ग्राहकहरुलाई सेवा प्रदान गरिरहेको जनाएको छ ।
