काठमाडौं । आज मंगलबारका तेस्रो कारोबारका दिन समेत शेयर बजार ओरालो लागेको छ । पछिल्लो तीन दिन देखि शेयर बजारमा निरन्तर रुपमा गिरावट आएको छ ।
आज नेप्सेमा कारोबार भएको ३१० कम्पनीको १ करोड १८ लाख १ हजार ३६० कित्ता सेयर किनबेच हुँदा ४ अर्ब २९ करोड ४५ लाख ६६ हजारको कारोबार भएको छ ।
आज शेयर बजार ०.४० अंकले घटेर २०९८ को विन्दुमा कायम हुन पुगेको छ ।आज सेयर बजारमा गिरावट आउँदा चन्द्रागिरी हिल्स, नेपाल ल्यूव आयल र एनएमबि माइक्रोफाइनान्सको सेयरमा सकरात्मक सर्किट लाएको छ ।
त्यसैगरी, मिड सोलु हाइड्रोपावरको ९.४६ प्रतिशत, तेह्रथुम पावरको ९.८८ प्रतिशत, आइजीआई प्रुडेन्सियल इन्स्योरेन्सको ७।२१ प्रतिशतले सेयर मूल्य बढेको छ ।
कारोबारको आधारमा अपी पावर, एनआरएन इन्फ्रास्क्चर, नाग्दी पावर, अरुण काबेली, सोनापुर मिनरल, माउन्टेन इनर्जी, एनआईसी एशिया बैंक, शिवम सिमेन्टस र नेपाल रिको सर्वाधिक कारोबार भएको छ ।
