काठमाडौं । प्रधानमन्त्री वालेन्द्र शाहले निर्माण क्षेत्रका समस्या र चुनौतीबारे छलफल गर्न आज निर्माण व्यवसायीसँग संवाद गर्दै हुनुहुन्छ।
प्रधानमन्त्री तथा मन्त्रिपरिषद्को कार्यालयमा साढे ११ बजे तय गरिएको उक्त भेटघाटमा निर्माण क्षेत्रका विद्यमान समस्या, समाधानका उपाय तथा नीतिगत सहजीकरणका विषयमा विस्तृत छलफल हुने बताइएको छ।
छलफलमा नेपाल निर्माण व्यवसायी महासङ्घका अध्यक्ष निकोलश पाण्डे, वरिष्ठ उपाध्यक्ष मुकेश पन्त, महासचिव शिवहरि घिमिरे, बागमती प्रदेश उपाध्यक्ष बालकृष्ण थापा तथा पूर्वअध्यक्ष एवं सल्लाहकार जयराम लामिछाने सहभागी रहनेछन्।
सरकार र निजी क्षेत्रबीच समन्वय बढाउँदै निर्माण क्षेत्रमा देखिएका अवरोध हटाउने उद्देश्यले यो संवाद आयोजना गरिएको जनाइएको छ।
