काठमाडौं । साताको दोस्रो कारोबारका दिन आज सोमबार सुनचाँदीको भाउमा सामान्य गिरावट भएको छ । आज सुन एकैदिन प्रति तोला सात सय रुपैयाँले घट्दा चाँदी पनि तोलामा ५ रुपैयाँले सस्तिएको हो ।
नेपाल सुनचाँदी व्यवसायी महासंघका अनुसार आज छापावाल सुन प्रति तोला एक लाख १८ हजार आठ सय रुपैयाँमा कारोबार भइरहेको छ ।
यसैगरी तेजाबी सुन प्रति तोला एक लाख १८ हजार दुई सय ५० रुपैयाँमा कारोबार भइरहेको छ ।
सुनको मूल्यले केही समय अघि प्रति तोला एक लाख २२ हजार रुपैयाँ पुग्दै अल टाइम हाई रेकर्ड बनाएको थियो ।
