काठमाडौं । अर्थमन्त्री डा. प्रकाशशरण महतले अर्थतन्त्र विस्तारै लयमा फर्किरहेको बताएका छन् । महतले सोमबार महिला आर्थिक पत्रकार संघको औपचारिक उद्घाटन कार्यक्रमलाई सम्बोधन अर्थतन्त्र लयमा फर्किरहेको बताएका हुन् ।
अहिले समग्रमा देशमा अनेकन् समस्या रहेको भन्दै उनले सबैले आ-आफ्नो स्थानबाट सकारात्मक पहल गर्न आग्रह गरे ।
उनले अर्थतन्त्रमा सकारात्मक सुधार देखिएको बताए ।
उनले अर्थ मन्त्रालय र सरकारमात्रैले अर्थतन्त्रलाई लयमा ल्याउन नसक्ने भन्दै यसका लागि सबै पक्ष एकजुट भएर लाग्नुपर्ने बताए ।
मन्त्री महतले अर्थतन्त्र राम्रो बनाउन सरकारले पहल गरिरहेको जिकिर गरे ।
