काठमाडौं । आज साताको दोस्रो कारोबार दिन सेयर बजारमा दोहोरो अंकको गिरावट आएको छ । सोमबार बजार १५.४१ अंकले घटेर १९६९ को विन्दुमा कायम हुन पुगेको छ ।
लगानीकर्ताले पूँजी बजार चलयमानका लागि नयाँ पोलिसिको आश गरी रहेका छन् ।
बजारलाई बाधा गरेका केही नीतिगत अवरोध सुधारको माग गरी रहेका छन् । आज ३२० कम्पनीको ५६ लाख ५६ हजार २८२ कित्ता शेयर किनबेच हुँदा २ अर्ब ५ करोड ८३ लाख ५ हजार रुपैयाँको शेयर किनबेच भएको छ ।
सोमबार गोर्खाज फाइनान्सको शेयर सर्वाधिक खरिद बिक्री भएको छ । कम्पनीको आज ११ करोड ५४ लाख ७९ हजार रुपैयाँको शेयर किनबेच भएको हो । साथै कारोबार रकमको आधारमा दोस्रो स्थानमा रहेको जोशी हाइड्रोपावरको १० करोड १० लाख ६८ हजार रुपैयाँ बराबरको सेयर खरिद बिक्री भएको छ ।
