काठमाडौँ। सोमबार सेयर बजारमा दोहोरो अंकको गिरावट आएको छ। उक्त दिन बजार ५९.०२ अंकले घटेर २५२९.३३ को विन्दुमा कायम भएको छ।
आज बजारमा गिरावट आउँदा समेत नेपाल फाइनान्सको सेयर सर्वाधिक कारोबार भएको छ । कम्पनीको २१ करोड १३ लाख ४२ हजार रुपैयाँ बराबरको कारोबार भएको हो।
त्यस्तै, कारोबार रकमको आधारमा दोस्रो स्थानमा रहेको सिइडिबी हाइड्रोपावरको १३ करोड ३९ लाख ५७ हजार रुपैयाँ बराबरको सेयर खरिद बिक्री भएको छ।
आज हिमालयन रिइन्स्योरेन्सको १२ करोड ५२ लाख ५० हजार रुपैयाँ, अपि पावर कम्पनीको ११ करोड ७७ लाख २७ हजार रुपैयाँ कारोबार भएको हो ।
