काठमाडौँ । चालु आर्थिक वर्षको साउन महिनामा सरकारले सेयर बजारबाट ४ अर्ब २४ करोड राजश्व उठाएको छ।
एक महिनाको अवधिमा बजार एक हजार अंकले बढ्दा लगानीकर्ताहरूले सरकारलाई ४ अर्ब बढीको राजश्व तिरेका हुन् । गत आर्थिक वर्ष २०८०/८१ मा सरकारले पूँँजीबजारबाट ५ अर्ब ५० करोड ७७ लाख रुपैयाँ बराबरको राजश्व संकलन गरेको थियो । यो रकम आर्थिक वर्ष २०७९-८० को तुलनामा ४६ प्रतिशतले बढी हो ।
आर्थिक वर्ष २०७९र८० मा भने सरकारले पूँजीबजारबाट जम्मा २ अर्ब ९७ करोड राजश्व संकलन गरेको थियो। सरकारले पूँँजीबजारबाट आर्थिक वर्ष २०७८र ७९ मा १० अर्ब ३५ करोड र आर्थिक वर्ष २०७७ र७८ मा भने सरकारले १५ अर्ब भन्दा बढीको राजश्व उठाएको थियो।
अल्पकालीन लगानीकर्ताले नाफा भएको खण्डमा साढे ७ प्रतिशत र दीर्घकालीन लगानीकर्ताले ५ प्रतिशत पुँजीगत कर तिर्दै आएका छन् । संस्थागत लगानीकर्ताले भने हाल १० प्रतिशत पुँजीगत लाभकर तिर्दै आएका छन् ।
