काठमाडौं । निरन्तर ओरालो लागेको शेयर बजारमा साताको अन्तिम कारोबार दिन समेत गिरावट आएको छ।
बिहीबार बजार ८.२४ अंकले घटेर २०५१ को विन्दुमा कायम हुन पुगेको छ । आज नेपाल फाइनान्सको सेयर सर्वाधिक कारोबार भएको छ ।
आज कम्पनीको २२ करोड ७६ लाख ४१ हजार रुपैया बराबरको कारोबार भएको छ ।
त्यस्तै २१ करोड ४१ लाख ४० हजार रुपैयाँ बराबरको सेयर खरिद बिक्री सहित कारोबार रकमको आधारमा हिमालयन रिइन्स्योरेन्सको दोस्रो स्थानमा रहेको छ ।
त्यस्तै उक्त दिन यूनाइटेड इदिमार्दी हाइड्रोपावरको १२ करोड ५ लाख ६१ हजार रुपैयाँ, पोखरा फाइनान्सको ८ करोड ७८ लाख ५२ हजार रुपैयाँ र जानकी फाइनान्सको ७ करोड ९४ लाख ६० हजार रुपैयाँको कारोबार भएको छ ।
आज ३३३ कम्पनीको ८९ लाख १ हजार १९५ कित्ता शेयर किनबेच हुँदा ३ अर्ब ७१ करोड ५९ लाख ३ हजार रुपैयाँको शेयर कारोबार भइरहेको छ ।
