काठमाडौँ । एक वर्षको अवधिमा सरकारले जीटुजीमार्फत ११ हजार ९०१ जना नेपाली कामदारलाई वैदेशिक रोजगारीमा पठाएको छ।
गत आर्थिक वर्ष २०८०/०८१ मा जीटुजीमार्फत उनीहरूलाई वैदेशिक रोजगारीमा पठाएको हो । त्यसरी जानेमा १० हजार ६९७ जना पुरुष र एक हजार २०४ जना महिला रहेका छन् ।
सरकारले जीटूजी मार्फत दक्षिण कोरिया, इजरायल र युके पठाउँदै आएको छ ।
ती मध्ये २३८ जना इजरायल गएका छन् भने ४१ जना बेलायत गएका छन् । बाँकी ११ हजार ६२२ जना कोरिया गएका हुन् ।
श्रम स्वीकृति लिएर ९५ हजार ३८ जना वैदेशिक रोजगारीमा गएका छन् । भने म्यानपावर व्यवसायी मार्फत तीन लाख ५३ हजार १६३ जना वैदेशिक रोजगारीमा गएको वैदेशिक रोजगार विभागको तथ्याङ्कमा उल्लेख छ ।
