काठमाडौं । प्राइम कमर्सियल बैंक लिमिटेडले आर्थिक वर्ष २०७९/८० का लागि कुनै पनि लाभांश वितरण नगर्ने जानकारी गराएको छ ।
बैंकको यो निर्णय सँगै यस पटक प्राइम कमर्सीयलका लगानीकर्ताहरुको हात रित्तो हुने पक्कापक्की भएको हो ।
मंगलबार बसेको ४८७ औँ बोर्ड बैठकले बैंकले आर्थिक वर्ष २०७९-८० का लागि कुनै पनि लाभांश वितरण नगर्ने निर्णय गरेको बैंकको जानकारी छ ।
वित्तीय विवरण नेपाल राष्ट्र बैंक र कम्पनीको आगामी वार्षिक साधारण सभाबाट स्वीकृत भएपछि यो निर्णय लागू हुनेछ ।
