काठमाडौं । साताको पहिलो कारोबारका दिन शेयर बजारमा हरियाली देखिएको छ । बढ्दो शेयर लगानीकर्ताहरुमा देखिएको उत्साह र उच्च मनोबलका कारण बजार निरन्तर उकालो लागेको हो ।
आज नेपाल स्टक एक्सचेञ्ज (नेप्से) ९४.५३ अकंले बढेर २८६०.९१ बिन्दुमा कायम भएको छ ।
https://aarthikvoice.com/archives/40734
यसदिन १३ वटै उपसूचकमा हरियाली आएको छ । आइतबार बैंकिङ समूहको ३.३५ प्रतिशत, विकास बैंक समूहको २.५८ प्रतिशत, फाइनान्स समहको ३.४८ प्रतिशत, होटल तथा पर्यटन समूहको ०.९० प्रतिशत, हाइड्रोपावर समूहको ३.९३ प्रतिशत, इन्भेष्टमेन्ट समहको ४.१२ प्रतिशतसहित १३ वटै उपसूचक बढेका छन् ।
आज सबैभन्दा बढी हिमालयन रिइन्स्योरेन्सको सेयर कारोबार भएको छ । कम्पनीले १ अर्ब ५२ करोड २ लाख ४७ हजार रुपैया बराबरको कारोबार गरेको हो । कारोबार रकमको आधारमा दोस्रो स्थानमा रहेको शिभम् सिमेन्टको १ अर्ब १६ करोड ६४ लाख ९५ हजार रुपैयाँ बराबरको सेयर खरिद बिक्री भएको छ।
साथै, निफ्राको ६८ करोड २७ लाख ८० हजार रुपैयाँ, नेपाल फाइनान्सको ५९ करोड ७४ लाख ३४ हजार रुपैयाँ कारोबार भएको छ ।
