काठमाडौं । साताको अन्तिम कारोबारका दिन शेयर बजार दोहोरो अंकले बढेको छ । शुक्रवारका दिन मौद्रिक नीति सार्वजनिक हुने भएसँग शेयर बजारका लगानीकर्तामा हौसला थपिएको छ ।
शेयर बजारका लगानीकर्ताले लामो समयदेखि मौद्रिक नीतिमार्फत कसिएको नीति खुकुलोको माग गरी रहेका छन् । बिहीबार बजार ३२ अंकले बढेर २५६८ को विन्दुमा कायम भएको छ ।
बिहिबार बैंकिङ समूहको १.३६ प्रतिशत, फाइनान्स समूहको १.२२ प्रतिशत, होटल तथा पर्यटन समूहको ०.४२ प्रतिशत, जीवन बीमा समूहको ०.७१ प्रतिशत र निर्जीवन बीमा समूहको २.९५ प्रतिशतले शेयर मूल्य बढेको छ ।
आज सबैभन्दा बढी सानिमा जिआइसी इिन्स्योरेन्सको सेयर सर्वाधिक कारोबार भएको छ । कम्पनीको ३४ करोड १७ लाख ७९ हजार रुपैया बराबरको कारोबार भएको छ । त्यस्तै कारोबार रकमको आधारमा दोस्रो स्थानमा रहेको हिमालयन लाइफ इन्स्योरेन्सको २४ करोड ६४ लाख ९८ हजार रुपैयाँ बराबरको सेयर खरिद बिक्री भएको छ ।
