काठमाडौं । साताको पहिलो कारोबारका दिन शेयर बजार उच्च अंकले वृद्धि भएको छ । शेयर बजारमा रौनक देखिएसँगै लगानीकर्ताको मनोबल समेत उच्च भएको छ ।
आज नेप्से परिसूचक ६१.६१ अंकले वृद्धि भएर २४८५.९४ को बिन्दुमा कायम भएको छ ।
नेप्से परिसूचक बृद्धि भएसँगै आज १८१ वटा कम्पनीको शेयरमूल्यमा हरियाली छाएको छ ।
शेयर बजार बढेसँगै आज कारोबार भएका कम्पनीहरुमध्ये ४ वटामा शेयरमूल्यमा सकारात्मक सर्किट लागेको छ । आज युनाइटेड मोदी हाइड्रोपावर, समता घरेलु लघुवित्त, हिमालयन बैंक र गनपति लघुवित्तको शेयरमूल्यमा सकारात्मक सर्किट लागेको छ ।
