काठमाडौँ। सर्वसाधारणका लागि प्राइम कमर्सियल बैंक लिमिटेडको संस्थापक शेयर बिक्रीमा ल्याएको छ। बैंकले केही संस्थापक शेयर धनीको नाममा रहेको शेयर बिक्रीमा ल्याएको हो।
यस अगाडि बैंकले गत माघ २२ गते संस्थापक सेयर धनीले मात्रै खरिद गर्न पाउने गरी केही संस्थापक सेयर धनीको नाममा रहेको शेयर निष्कासनको सूचना प्रकाशित गरेको थियो । तर, तोकिएको समयसम्म आवेदन नपरेपछि सो शेयर सर्वसाधारणलाई बिक्री खुलाइएको हो ।
उक्त शेयर खरिद गर्न इच्छुक व्यक्तिले सूचना प्रकाशित मिति (वैशाख १० गते) ले १५ दिनभित्र बैंकको कम्पनी सचिवको कार्यालयमा सम्पर्क राख्नुपर्नेछ । शेयरको बिक्री मूल्य कम्पनी सचिवको कार्यालयमा सम्पर्क गरी बुझ्न सकिने बैंकले जनाएको छ ।
