काठमाडौं । साताको अन्तिम कारोबार दिन बिहीबार नेप्से ३६.१५ अंकले ऋणात्मक भएको हो । बिहीबार नेप्सेसहित सम्पूर्ण सूचक राताम्य भए पनि २१ सयको विन्दु भने कायम छ ।
बुलिस यात्रालाई कायम राख्दै हिजो बुधबारका दिन पनि सेयर बजारमा दोहोरो अङ्कको वृद्धि भएको थियो ।
हिजो ३५.३९ अङ्कले बढेर नेप्से परिसूचक २१४१.८७ विन्दुमा बन्द भएको थियो ।
अघिल्लो साताको आइतबारदेखि नै लय समाएको सेयरबजार साताको अन्तिम कारोबारका दिन दोहोरो अकंले घटेको हो । साताको अन्तिम कारोबार दिन उत्पादन तथा प्रशोधन र व्यापार उपसूचकबाहेक सबै उपसूचकहरु राताम्य भएका छन् ।
