काठमाडौँ । सार्वजनिक ऋण व्यवस्थापन कार्यालयले २३ अर्ब ८ करोड रुपैयाँको ट्रेजरी बिल नवीकरण गर्ने भएको छ ।
२८ दिन, १८२ दिन र १ वर्षको लागि कार्यालयले ट्रेजरी बिल नवीकरण गर्न लागेको हो । मङ्गलवार ९वैशाख २५ गते० जारी हुने यस ट्रेजरी बिलका लागि वैशाख २४ गते सोमबार दिउँसो ३ बजे ट्रेजरी बोलकबोल हुने जनाएको छ।
सार्वजनिक ऋण व्यवस्थापन कार्यालयले २८ दिनको लागि ८ अर्ब रुपैयाँको ट्रेजरी नवीकरण गर्न लागेको हो ।
साथै, १ वर्षको लागि ६ अर्ब ८ करोड रुपैयाँ बराबरको ट्रेजरी बिल नवीकरण गर्न लागेको हो । यो ट्रेजरी २०८२ वैशाख २३ गते परिपक्व हुनेछ । ट्रेजरी बिल १ वा १ वर्षभन्दा कम अवधिको आन्तरिक ऋण उठाउन प्रयोग गरिने अल्पकालीन सरकारी ऋणपत्र हो ।
सबै वर्गका बैंक तथा वित्तीय संस्था, संगठित संस्था तथा सर्वसाधारण नागरिक समेत ट्रेजरी बिलको बोलकबोलमा सहभागी हुन सक्नेछन् । बोलकबोलमा सबैभन्दा बढी मूल्य तोक्ने संस्थालाई पहिलो प्राथमिकतामा राखी क्रमैसँग आह्वान रकमसम्म ट्रेजरी बिलको बाँडफाँट गरिन्छ ।
