काठमाडौँ । असोज महिनाको ११ र १२ गते परेको अविरल वर्षासँगै आएको बाढी पहिरोको कारण हाल सञ्चालनमा रहेका निर्जीवन बीमा कम्पनीहरूमा ७ अर्ब २१ करोड बढीको दाबी पर्ने आकलन रहेको छ ।
नेपाल बीमा प्राधिकरणले सार्वजनिक गरेको गत १६ गतेसम्मका तथ्यांक अनुसार २ हजार ३३७ वटा दाबी पर्न सक्ने सम्भावना देखिएको छ। यस अवधिमा सिद्धार्थ प्रिमियर इन्स्योरेन्सलाई एक एक अर्ब ८१ लाख रुपैयाँ बढीको दाबी पर्ने अनुमान छ ।
त्यस्तै, दि ओरिएन्टल इन्स्योरेन्स कम्पनीमा एक अर्ब ४४ करोड १० लाख रुपैयाँ बढीको १४७ वटा दावी परेको छ ।
प्रस्तुत तथ्यांक अनुसार शिखरमा ४६ करोड ५८ लाख ५१ हजार रुपैयाँको ३२२ वटा दाबी, नेशनल इन्स्योरेन्स कम्पनीमा २३ करोड ६६ लाख १३ हजार रुपैयाँको २५ वटा, आईजीआई प्रुडेन्सियलमा २० करोड ६४ लाख ४० हजार रुपैयाँको २४८ वटा दाबी पर्ने अनुमान गरिएको छ ।
यो १४ वटा निर्जीवन बीमा र चार वटा लघुबीमा कम्पनीको परेको तथ्यांकको विवरण हो । कृषि बाली बीमा अन्तर्गत ४३ लाख ६७ हजार, पशुपन्छी बीमा अन्तर्गत एक करोड १५ लाख ८२ हजार, मोटर बीमा ९निजी० अन्तर्गत २७ करोड ३० लाख ६१ हजार रुपैयाँ बरावरको प्रारम्भिक दावी रहेको प्राधिकरणले जनाएको छ ।
बीमा प्राधिकरणले बाढी पहिरोमा परेका बीमितहरुलाई आफूले बीमा गरेको सम्बन्धित कम्पनीमा सिधै फोन, इमेल वा कुनै पनि शाखा कार्यालयमा गएर बीमा दावी गर्न सकिने व्यवस्था मिलाइएको छ ।
