काठमाडौँ। लघुवित्त तथा सहकारीमा रहेका जनताको पैसा सुरक्षित गर्ने जिम्मा सरकारले लिनुपर्ने अर्थमन्त्री महतले घोषणा गरेको छन् ।
आगामी वर्ष २०८१र ८२ को बजेटका सिद्धान्त र प्राथमिकता प्रस्तुत गर्दै अर्थ मन्त्री महतले यस्तो घोषणा गरेका हुन । ‘सहकारी क्षेत्रको नियमनका लागि आवश्यक कानुनी र संस्थागत व्यवस्था मिलाइने छ, लघुवित्त र सहकारीमा बचतकर्ताको लगानी सुरक्षाको व्यवस्था मिलाइने छ ।’ अर्थमन्त्री महतले भने,
त्यसैगरी बैंक तथा वित्तीय संस्था, लघुवित्त, बीमा र पुँजी बजारका नियामक निकायको व्यावसायिकता वृद्धि गर्ने र पारदर्शिता तथा जबाफदेहिता सुदृढ बनाउने सवालमा सरकार निरन्तर लागिरहेको अर्थमन्त्री महतले बताए।
वित्तीय क्षेत्रको नियमन र सुपरिवेक्षण थप प्रभावकारी बनाई स्वस्थ्य, प्रतिस्पर्धी र भरपर्दो वित्तीय क्षेत्रको विकास गरिने महतको भनाई छ ।
