काठमाडौं । हालसम्म दृष्टिविहीनहरुको सहभागीता बीमा क्षेत्रमा न्यून देखिन्छ । त्यसमा पनि बीमा अभिकर्तामा जोडिएर काम गर्छु भन्ने दृष्टिविहीनहरु औंलामा गन्न सकिन्छन् । यस्तो अवस्थामा नियामक बीमा प्राधिकरणले सबै कम्पनीहरुलाई सो व्यवस्था कार्यन्वयन गर्न स्वीकृती दिने भएको हो ।
नेपाल बीमा प्राधिकरणका एक उच्च अधिकारीले अर्थिक भ्वाईससँगको कुराकानीमा हालसालै एउटा बीमा कम्पनीले दृष्टिविहीनको पनि बीमा अभिकर्तामा सहभागी हुनसक्ने प्रस्ताव पेश गरेको बताए ।
परिपत्र जारी हुँदै
बीमा कम्पनीको ठूलो हात हुने
प्रविधि मैत्री तरिकाबाट अभिकर्ताको परिक्षा दिन मिल्ने व्यवस्था भएसँगै अभिकर्ताको लाइसेन्स लिनेहरुको संख्या बढेको बीमा प्राधिकरण बताउँछ । हालसम्म जीवन बीमामा अभिकर्ताको सहभागिता नभई डाइरेक्ट व्यवसाय आउँने अवस्था निकै कम छ ।
यसले गर्दा पनि बीमा क्षेत्रमा अभिकर्ताहरुको महत्व धेरै देखिन्छ । अभिकर्ता बनेर उनीहरुले आफ्नो पेशागत उत्तरदायित्व कति पूरा गरे भन्ने पनि महत्वपूर्ण प्रश्न बन्ने गरेको छ । अभिकर्ताहरुकै संघ संगठनले पनि अभिकर्ताहरुमा इमान्दारीता र नैतिकता चाहिने बताइरहेको बेलामा नेपाल बीमा प्राधिकरणले पनि नयाँ किसिमका पद्धती र नयाँ नयाँ व्यक्ती अभिकर्ता बन्न चाहेमा आफूहरुले सधैं ढोका खुला राख्ने गरेको बताएको हो ।
