काठमाडौं । नेपाली बजारमा सुनको बढ्नेक्रम दैनिक रुपमा बढिरहेको छ । अघिल्लो साता निरन्तर रुपमा घटेको सुनको मूल्य यस साता भने पुनः उकालो लागेको हो ।
अघिल्लो दिन प्रतितोला ११ सय रुपैयाँले बढेको सुनको मूल्य आज ९ सय रुपैयाँले बढेको छ। नेपाल सुनचाँदी व्यवसायी महासंघका अनुसार आज छापावाला सुनको मूल्य प्रतितोला १ लाख ६३ हजार रुपैयाँ कायम भएको छ।
आज चाँदीको मूल्यमा भने गिरावट आएको छ । चाँदीको मूल्य प्रतितोला ५ रुपैयाँले घटेको छ। यससँगै चाँदीको मूल्य प्रतितोला १ हजार ९५० रुपैयाँ कायम भएको छ ।
