काठमाडौँ। ग्रामीण विकास लघुवित्त वित्तीय संस्था लिमिटेडले रोजगार खुलाएको छ । कम्पनीले दरखास्त आह्वान गर्दे ८५ जना कर्मचारीका मागेको हो ।
कम्पनीले कनिष्ठ चालक पदको प्राविधिक सेवामा ५ जना माग गरेको छ । यसका लागि लाइसेन्स प्राप्त गरी ५ वर्षको कार्यानुभव भएको र एसइई परीक्षा उत्तीर्ण गरेकाले आवेदन दिन सकिने कम्पनीले जनाएको छ ।
अर्को कनिष्ठ सहयोगी पदको प्रशासन सेवामा ८० जना माग गरेको छ । यसमा एसइई परीक्षा उत्तीर्ण गरेकाले आवेदन दिन पाउनेछन्।
उमेरको हदमा कनिष्ठ चालकका लागि २१ वर्ष पूरा भई ४५ वर्ष ननाघेको र कनिष्ठ सहयोगीका लागि १८ वर्ष पूरा भई ४५ वर्ष ननाघेको हुनु पर्नेछ । महिलाको हकमा माथिल्लो उमेर हदमा ५ वर्ष थप हुनेछ । इच्छुक नागरिकले आवश्यक पर्ने कागजात सहित २५ दिनभित्र दरखास्त फाराम बुझाउनुपर्ने कम्पनीले जनाएको छ ।
