काठमाडौं । नेपाली बजारमा सुन र चाँदी दुवैको मूल्य घटेको छ। बुधबार छापावाल सुनको मूल्य प्रतितोला २ हजार ७ सय रुपैयाँले घटेको हो।
नेपाल सुनचाँदी व्यवसायी महासंघका अनुसार मंगलबार प्रतितोला २ लाख ९२ हजार २ सय रुपैयाँमा कारोबार भएको छापावाल सुनको मूल्य बुधबार घटेर २ लाख ८९ हजार ५ सय रुपैयाँ कायम भएको छ।
त्यस्तै, चाँदीको मूल्य पनि प्रतितोला १ सय रुपैयाँले घटेको छ। मंगलबार प्रतितोला ४ हजार ३५५ रुपैयाँ रहेको चाँदीको मूल्य बुधबार घटेर ४ हजार २५५ रुपैयाँ कायम भएको महासंघले जनाएको छ।
