काठमाडौं । नेपाली बजारमा सुन र चाँदीको मूल्यमा बिहीबार सामान्य वृद्धि देखिएको छ।
नेपाल सुनचाँदी व्यवसायी महासंघका अनुसार छापावाल सुनको मूल्य अघिल्लो दिनको तुलनामा प्रतितोला ३ सय रुपैयाँले बढेर २ लाख ९१ हजार ३ सय रुपैयाँ पुगेको छ। बुधबार भने यही सुन २ लाख ९१ हजार रुपैयाँमा कारोबार भएको थियो।
त्यस्तै, चाँदीको मूल्य पनि बढेको छ।
बुधबार प्रतितोला ४ हजार ४८० रुपैयाँ रहेको चाँदी आज २५ रुपैयाँले उकालो लाग्दै ४ हजार ५०५ रुपैयाँ कायम भएको छ।
