काठमाडौं । गरिमा क्यापिटल लिमिटेडले ११औँ वार्षिक साधारण सभा आह्वान गरेको छ। कम्पनीको भदौ ३० गते बसेको सञ्चालक समितिको बैठकले साधारण सभा गर्ने मिति र स्थान तय गरेको हो।
कम्पनीका अनुसार वार्षिक साधारण सभा आगामी असोज २२ गते काठमाडौंको नक्सालस्थित लिसरा रिसेप्सनमा बिहान ११ बजेदेखि सुरु हुनेछ।
सभामा आर्थिक वर्ष २०८२/८३ को सञ्चालक समितिको प्रतिवेदन पारित गर्ने प्रस्ताव पेस हुनेछ।
त्यस्तै, लेखापरीक्षकको प्रतिवेदनसहित २०८३ असार मसान्तसम्मको वासलात, आर्थिक वर्ष २०८२/८३ को नाफा–नोक्सान हिसाब तथा नगद प्रवाह विवरण स्वीकृत गर्ने प्रस्ताव पनि सभामा राखिनेछ।
यसैगरी, चालु आर्थिक वर्षका लागि लेखापरीक्षक नियुक्त गर्ने तथा निजको पारिश्रमिक निर्धारण गर्ने प्रस्तावसमेत साधारण सभाबाट पारित गरिने कम्पनीले जनाएको छ।
