काठमाडाैं । प्रभु लाईफ इन्स्याेरेन्स र महालक्ष्मी लाइफ इन्स्याेरेन्सले एकीकृत काराेबार शुरु गर्दैछन् । यी दुइ कम्पनीले आज (शुक्रबार) बाट एकीकृत काराेबार शुरु गर्ने भएका हुन् ।
दुबै कम्पनीलाई प्रभु महालक्ष्मी लाईफ इन्स्याेरेन्सकाे नामबाट एकीकृत काराेबार सञ्चालन गर्नका लागी नेपाल बीमा प्राधिकरणले अन्तिम स्वीकृति प्रदान गरिसकेकाे छ ।
एकीकृत काराेबार प्रारम्भकाे घाेषणा भएपनि साउन १ गतेदेखि मात्र सर्वसाधारणले प्रभु महालक्ष्मी लाइफ इन्स्याेरेन्सबाट सेवा प्राप्त गर्न सक्नेछन् ।
गत जेठ २६ गते सम्पन्न दुबै जीवन बीमककाे वार्षिक साधारण सभाले एकीकृत काराेबार गर्ने विशेष प्रस्ताव पारित गरेकाे थियाे । प्राधिकरणले एकीकृत काराेबार सञ्चालनका लागी जेठ २९ गते अन्तिम स्वीकृति प्रदान गरेकाे हाे ।
एकीकृत कम्पनीकाे प्रमुख कार्यकारी अधिकृत रमेश कुमार भट्टराई रहनेछन्, उनी महालक्ष्मी लाईफका प्रमुख कार्यकारी अधिकृत हुन् । सञ्चालक समिति अध्यक्ष पदमा प्रभु लाईफ इन्स्याेरेन्सकाे प्रवर्द्धकहरूबाट शिक्षा भट्टचन रहने सहमति छ । उनी हालै प्रभु लाईफ इन्स्याेरेन्सकाे अध्यक्ष पदमा निर्वाचित भएकी हुन् ।
दुबै जीवन कम्पनीले नेपाल बीमा प्राधिकरणले ताेकेकाे न्यूनत्तम चुक्ता पूँजी पुर्याउनुपर्ने बाध्यात्मक अवस्थाकाबीच एक वर्ष अघि २०७९ असार २९ गते मर्जरका लागी प्रारम्भिक सम्झाैतामा हस्ताक्षर गरेका थिए । बराबरी हैसियतमा मर्जर भएकाले शेयरधनीकाे शेयर संख्या घटबढ हुने छैन । मर्जर पछि संयुक्त कम्पनीकाे चुक्ता पूँजी ४ अर्ब १९ कराेड ६० लाख रूपैयाँ पुग्नेछ । नेपाल बीमा प्राधिकरणले ताेकेकाे ५ अर्ब रूपैयाँ चुक्ता पूँजी कायम गर्न एकीकृत कम्पनीलाई थप ८० कराेड ४० लाख रुपैयाँ आवश्यक पर्नेछ।
