काठमाडौं । एभरेष्ट कलर लिमिटेडले गत आर्थिक वर्ष २०८२/८३ मा २ करोड २१ लाख ३० हजार रुपैयाँ खुद नाफा आर्जन गरेको छ । कम्पनीको नाफा अघिल्लो आर्थिक वर्षको तुलनामा ४.३१ प्रतिशतले वृद्धि भएको हो ।
अघिल्लो आर्थिक वर्ष २०८१/८२ मा कम्पनीले २ करोड १२ लाख रुपैयाँ नाफा कमाएको थियो ।
कम्पनीले गत आवमा १७ करोड २६ लाख रुपैयाँ सञ्चालन आम्दानी गरेको छ । अघिल्लो आवमा यस्तो आम्दानी १४ करोड २० लाख रुपैयाँ रहेको थियो ।
एभरेष्ट कलरको चुक्तापूँजी ३० करोड रुपैयाँ रहेको छ । कम्पनीसँग १ करोड ९० लाख रुपैयाँ रिटेन्ट अर्निङ र ३ करोड ८ लाख रुपैयाँ सञ्चित रिजर्भ रहेको छ ।
कम्पनीको प्रतिसेयर आम्दानी (ईपीएस) ७.३७ रुपैयाँ रहेको छ भने प्रतिसेयर नेटवर्थ ११६.६३ रुपैयाँ पुगेको छ । त्यस्तै, प्रतिसेयर कुल सम्पत्तिको मूल्य पनि ११६.६३ रुपैयाँ रहेको र तरलता अनुपात ५.३५ गुणा रहेको कम्पनीले जनाएको छ ।
