काठमाडौं । अमेरिकी राष्ट्रपतिले डोनाल्ड ट्रम्पले अमेरिकामा जन्मनेबित्तिकै अमेरिकी नागरिकता पाउने अधिकार हटाउने बताएका छन् । अमेरिकी राष्ट्रपति पदको सपथ लिनु अघि ट्रम्पले एक टिभी च्यानललाई दिएको अन्तर्वार्तामा आफ्नो एजेण्डा खुलाएका हुन् ।
नवनिर्वाचित राष्ट्रपति ट्रम्पले अमेरिकामा रहेका गैरकानुनी आप्रवासीहरूलाई देशबाट निष्कासन गर्ने आफ्नो योजना रहेको पनि फेरी दोहोर्याएका छन् ।
एनबीसी न्यूजसँगको अन्तर्वार्तामा ट्रम्पले आफ्नो कार्यकालको पहिलो दिनमा नै जन्मको आधारमा अमेरिकी नागरिकताको अधिकार खारेज गर्ने बताएका थिए ।
अमेरिकी संविधानको १४ औं संशोधनले अमेरिकामा जन्मेका कुनै पनि बालबालिकाले जन्मिने बित्तिकै अमेरिकी नागरिकता पाउने उल्लेख गरिएको छ । तर, ट्रम्पले यसलाई हटाउने बताएका हुन । जसको लागि उनले कानुनी अवरोधको सामना भने गर्नुपर्ने हुनसक्छ ।
उनले गर्भपतन चक्की प्रतिबन्ध नगर्ने वाचा पनि गरेका छन् । सन् २०२० को राष्ट्रपतीय निर्वाचनमा ट्रम्प पराजित भएपछि जनवरी ६, २०२१ मा उनका केही समर्थक क्यापिटल हिल ९अमेरिकी संसद० भित्र पसेर लुटपाट तथा तोडफोड गरेका थिए ।
