काठमाडौं । चर्चित सेफ सन्तोष साहलाई बैंकिङ कसुरसम्बन्धी आरोपमा प्रहरीले नियन्त्रणमा लिएको छ। उनलाई शुक्रबार राति जनकपुरबाट पक्राउ गरिएको प्रहरीले जनाएको छ।
उपत्यका अपराध अनुसन्धान कार्यालय, टेकुले साहलाई पक्राउ गरिएको पुष्टि गरेको छ। कार्यालयका अनुसार बैंकिङ कारोबारसँग सम्बन्धित उजुरीका आधारमा अनुसन्धानका लागि उनलाई नियन्त्रणमा लिइएको हो।
प्रहरीका अनुसार काठमाडौंको गैरीधारास्थित एक रेस्टुरेन्ट खरिद–बिक्रीसँग सम्बन्धित आर्थिक विवादमा उनीमाथि आरोप लागेको छ। उक्त रेस्टुरेन्ट करिब एक करोड ३० लाख रुपैयाँमा खरिद गरिएको भए पनि सम्झौताअनुसारको केही रकम भुक्तानी नगरेको दाबी उजुरीकर्ताको रहेको बताइएको छ।
घटनाबारे थप अनुसन्धान भइरहेको प्रहरीले जनाएको छ।
