काठमाडौं । देशकै अग्रणी भुक्तानी सेवा प्रदायक फोन पेको अध्यक्षमा सशिन जोशी नियुक्त भएका छन् ।
कार्यभार सम्हाल्दै जोशीले कम्पनीलाई थप उचाइमा पु¥याउने बताएका छन्। अध्यक्ष विश्वास ढकालले राजीनामा दिएपछि जोशी अध्यक्षपदमा नियुक्त भएका हुन् ।
संचालक समिति सदस्यका रुपमा विगत दुई वर्षदेखि फोन पेमा आवद्ध रहेका जोशीलाई कम्पनीले अध्यक्षपदमा नियुक्त गरेको हो ।
फोन पेका करिब १ करोड ८० लाख ग्राहक छन् । नेपालमा क्यूआर पेमेन्टको सुरुवात गर्ने पहिलो भुक्तानी सेवा प्रदायक फोन पे एफ्वान सफ्टको भगिनी संस्था हो । उनी २०१८ सम्म नबिल बैंकको सीईओ हुनुअघि एनआईसी एसिया बैंकको सीईओ थिए ।
जोशी एनआईसी एसिया बैंकभन्दा अगाडि एनआईसी बैंकमा पनि सीईओ थिए । ३५ वर्षभन्दा बढी समय बैंकिङमा रहेका जोशीलाई आजका बैंकरहरुले निकै धेरै मान्छन् ।
एग्रेसिभ बैंकिङ भन्दा पनि जोशीले कन्जरभेटिभ र कम्प्लाइन्स बेस बैंकिङ गर्दै आएका थिए । जोशी मदिरा उत्पादक जाउलाखेल ग्रुप अफ इन्डस्ट्रजिमा २०७५ कात्तिकदेखि कार्यकारी निर्देशकका रुपमा कार्यरत छन् ।
