काठमाडौं । चर्चा तिनैका हुन्छ जुन कुरा सतहमा आउँछ । वा चर्चामा आउँछ तर कतिपय पर्दा भित्रै रहेका त्यस्ता भोगाइ र कथाहरू छन् जुन देखिन लेखिन धेरै नै बाकी छ । त्यस्तै मध्येको एक क्षेत्र हो बैंकिङ ।
हामी धरैलाई बैंकिङ क्षेत्रमा काम गर्ने बैंकर देखेपछि वाउ लाग्छ ।
किसानले मानो रोपेर मुरी थन्क्याउने सिजन जस्तै, आर्थिक वर्षभरि बैंक र बैंकरहरुको चटारो कम छैन । त्यसमाथि असारे भाका गाउँदै साथीभाइ हिलाम्मे बनेर धान रोप्नुजस्तो सहज पनि छैन बैंकर हुनलाई यी र यस्तै भोगाइ समेटेर बैंकर रवीन्द्र ढकालले लेखेको संस्मरण प्रस्तुत छ ।
मुस्किल र मेहनतका बीचमा लेखिएको कथा — हाम्रो बैंकिङ यात्रा :
मानो रोपेर मुरी थन्क्याउने किसान जस्तै, यो आर्थिक वर्षभरि हामी सबैले गरेको अथक प्रयास, पसिना र धैर्यलाई आज आत्मसमीक्षा गर्ने समय हो। कतिले लगभग लक्ष्य भेटिसके, कतिले अझै प्रयासरत छन् — हुन त लक्ष्य त कहिल्यै पूर्ण हुँदैन, जति गरे पनि अझ अगाडि बढ्नुपर्ने नै हुन्छ।
तर, अब यो आर्थिक वर्ष लगभग टुंगिनै लागेको छ जति गरियो । अघिल्लो वर्षभन्दा राम्रै गर्न प्रयास गरियो भन्ने सोच्दै, हाँस्दै, मुस्कुराउँदै!
अहिले व्यवस्थापन र सेयरधनीहरू सोचमा हुनुभएको होला। व्यवस्थापनले भन्दै होला, “गत वर्षभन्दा त राम्रै भयो त!” भन्ने मनस्थितिसहित, कति बोनस दिने स्टाफलाई, कति डिभिडेन्ड दिने सेयरधनीलाई — अनि अर्को वर्ष अझ राम्रो नतिजा ल्याउने रणनीति बनाउने अवसर यही हो।
स्टाफहरू भोलि बिहानै मोबाइलमा बोनसको सूचना आउला कि साँझ — भन्ने उत्सुकतासहित, आफूले गरेको मेहनतको फल लिन तयार छन्। यी सबै प्रयासहरूको पछाडि एउटै उद्देश्य छ — बैंक, ग्राहक, र हामी सबैको समृद्धि।
साझा मेहनतले यो वर्षलाई अघिल्लो वर्षभन्दा राम्रो बनाउनु पर्ने हो — जुन माहोल अहिले देखिँदैछ,
राष्ट्र बैंकको नीतिले व्यवसायी, बैंक, रिटेलर, सेयर बजार — सबैले केहि न केहि राहत पाएका छन्,
