काठमाडौँ। सरकारको राजस्व परिचालनलाई थप प्रभावकारी बनाउने अर्थमन्त्री महतले घोषणा गरेको छ।
आज सोमबार प्रतिनिधि सभामा आगामी बजेटका सिद्धान्त र प्राथमिकता प्रस्तुत गर्दै अर्थमन्त्री महतले खर्च व्यहोर्ने प्रमुख स्रोतको रुपमा रहेको राजस्व परिचालनलाई प्रभावकारी बनाउदै लैजाने बताएका हुन् ।
मन्त्री महतले भने, ‘व्यवसाय र लगानीमैत्री कर नीति लिइनेछ। कर प्रणाली पुनरावलोकन गर्न गठित समितिको सुझाव समेतका आधारमा कर प्रणालीमा सुधारका कार्य अघि बढाइनेछ।’
राजस्व प्रशासनमा आधुनिक प्रविधिको अधिकतम उपयोग गरी राजस्व प्रशासनको व्यवसायिकता अभिवृद्धि र करदाताको व्यवसायिक लागत घटाउने गरी कर प्रणाली सुधारका कार्य अघि बढाउने अर्थमन्त्री महतको भनाई छ ।
्करको दायरामा नआएका नयाँ व्यवसायिक क्षेत्र लक्षित गरी बजार अनुगमन र कर परीक्षण प्रभावकारी बनाइने उनको भनाइ रहेको थियो । कर चुहावट नियन्त्रणमा संस्थागत समन्वय सुदृढ बनाइने महतले बताएका छन्।
