काठमाडौँ । आफ्नो लगानीमा खुल्न लागेको रिसार्टलाई अनुमति नदिएर सरकारी निकायले दुःख दिएपछि नेपाली कांग्रेसका सांसद दीपक खड्काले वन मन्त्रालयमा बस्ने घोषणा गरेका छन् ।
रिसोर्ट सञ्चालनका लागि ४ वर्षसम्म सरकारी निकायले अनुमति नदिएर झुलाएको आरोप लगाउँदै मन्त्रालय पुगेका सांसद खड्काले ढिलासुस्तीप्रति तीव्र आक्रोश पोखेका हुन । सो क्रममा उनको मन्त्रीदेखि सचिवसँग चर्काचर्की परेको थियो ।
सञ्चारकर्मीसँग कुरा गर्दै आफ्नो काम अझैपनि हुन नसकेको खण्डमा मन्त्रालयभित्र अनसन बस्ने उनले बताएका हुन।
रोजगारी सिर्जना गर्ने व्यवसायिक होटललाई असहयोग गरेको भन्दै उनले राजधानीमा बन्न लागेको संरचनामा साढे ३ अर्ब लगानी भइरहेको बताएका छन् । ‘सबै निकायबाट स्वीकृति भयो ।
कार्यविधि भएन रे । आज ४ महिना भयो पेनाल्टी तिरेको । अहिले भन्सारबाट त्यही ईआईए प्रतिवेदन नभएकाले सामान निकाल्न पाएको छैन’, उनले भने । उनले ऐन कानुन संशोधन गर्नुपर्छ भने गरिनुपर्ने भन्दै आफू सांसद पनि भएकाले सहजीकरण गर्न तयार भएको बताए ।
